جيناقتا بالا مەن اتا-انا قارىم-قاتىناسى, بالا تاربيەسىنە قاتىستى اتا-انالار مەن ەرەسەكتەردى الاڭداتۋعا ءتيىس تاقىرىپتار دا قامتىلعان. ال اتا-انالارعا, ۇستازدارعا بالانى تىڭداپ, ولارعا قالاي كومەكتەسۋگە بولاتىنىن باياندايدى. جوباعا Samruk-Kazyna Trust الەۋمەتتىك جوبالاردى دامىتۋ قورى قولداۋ كورسەتىپ وتىر.
بۇل توپتاما – 150 مىڭنان اسا مۇشەسى بار امەريكالىق پسيحولوگتار قاۋىمداستىعى (American Psychological Association) جۇرگىزگەن كوپ جىلعى زەرتتەۋدىڭ ناتيجەسى. كىتاپتار اعىلشىن تىلىنەن قازاق جانە ورىس تىلدەرىنە قاتار اۋدارىلدى. ءار كىتاپتىڭ كولەمى – 50-70 بەت. ەڭ كولەمدىسى – 200 بەتتەي.
كىتاپتار مەكتەپتەرگە تەگىن تاراتىلادى. سونىمەن بىرگە, الماتى مەن نۇر-سۇلتان قالالارىنداعى كىتاپ دۇكەندەرىنەن ساتىپ الۋعا بولادى.
– بالالار مەن جاسوپىرىمدەر ۇيدەگى كيكىلجىڭدى, مەكتەپتەگى قيىندىعىن, ۋايىمىن ەرەسەكتەرگە ايتۋعا, ونى تالقىلاۋعا ۇيالادى, كەيبىر جاعدايدا قورقادى. ويىن اشىق ايتقىسى كەلسە دە, ماڭايىندا ونى تىڭدايتىن نەمەسە سۇراعىنا جاۋاپ بەرە الاتىن ادام بولماۋى مۇمكىن. ۇيات دەپ ويلايدى, ادەپسىزدىك دەپ قابىلدايدى. ارينە, مۇنداي جاعداي تەك قازاقستان بالالارىنا عانا ەمەس, الەمنىڭ وزگە ەلدەرىندەگى بالالارعا دا ءتان قۇبىلىس. سوندىقتان ءبىز وسى ماسەلەگە ماماندانعان ۇيىمداردى ىزدەپ تاۋىپ, ولارمەن بىرگە جۇمىس ىستەگەندى ءجون كوردىك. سونىڭ ىشىندە «امەريكا پسيحولوگتار اسسوتسياتسياسى» (American Psychological Association) دەگەن ۇيىم بار. ولار ءتۇرلى تاقىرىپتاعى عىلىمي زەرتتەۋ ناتيجەسىن بالالارعا ىڭعايلى, ىقشام ەتىپ, شاعىن عانا كىتاپقا اينالدىرعان. ۇيىم بالالاردىڭ اتا-اناسىنا, مۇعالىمىنە نەمەسە پسيحولوگقا ايتا الماي جۇرگەن, جانىن اۋىرتاتىن ماسەلەسىن شەشۋگە, قيىندىعىن جاسىرماي, ەرەسەكتەرگە ايتۋعا كومەكتەسەدى. توپتاما وسى ۇيىم عالىمدارى جۇرگىزگەن كوپ جىلعى زەرتتەۋدىڭ ناتيجەسىندە قۇراستىرىلعان, – دەيدى «ۇلتتىق اۋدارما بيۋروسى» قوعامدىق قورىنىڭ اتقارۋشى ديرەكتورى راۋان كەنجەحان ۇلى,
